سجدے میں دکھاوا ہو تو سجدہ نہیں ہوتا
گردن کے جھکانے سے عبادت نہیں ہوتی

وہ شخص محبت سے ہمیشہ رہا محروم
اوروں کیلئے جس میں محبت نہیں ہوتی

شہکارکی تکمیل میں شامل نہ گر فکر
تصویر تو بن جاتی ہیں مورت نہیں ہوتی

چہرے کا سنگھاراس کے کبھی کام نہ آیا
سیرت کے بنا کوئی بھی صورت نہیں ہوتی

وہ دل نہیں پتھر کا ہے بے جان سا ٹکڑا
جس دل کو گناہوں پہ بھی خفت نہیں ہوتی

نکلو تو ضیا خول سے تم اپنی انا کو
اس حبس میں تم کو کبھی کوئی وحشت نہیں ہوتی؟